ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ
ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ:
ಕುಡ್ಲ ಎಗ್ಗೆ ಪನ್ಪಿನವು ಜೈ ತುಲುನಾಡ್ (ರಿ.) ಕೂಟದ ಒಂಜಿ ಘಟಕ. ಈ ಅಂಗಸಂಸ್ಥೆನ್ ಎಗ್ಗೆದ ಕಾರ್ಯಕಾರಿ ಸಮಿತಿ ನಡಪಾವುಂಡು. ಕುಡ್ಲ ಎಗ್ಗೆ ಕೇಂದ್ರ ಸಮಿತಿದ ಅಧೀನಡ್ ಕಾರ್ಯನಿರ್ವಾಹಣೆ ಮಲ್ಪುಂಡು.
ಎಗ್ಗೆದ ಉದಿಪನ:
23 ಫೆಬ್ರವರಿ 2020ಗ್ ಕುಡ್ಲದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮಣ್ಣಗುಡ್ಡೆಡ್ ಕುಡ್ಲ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ವೇದವ್ಯಾಸ್ ಕಾಮತ್ ಮೇರ್ ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆದ ಉದಿಪನ ಮಲ್ತೆರ್.
ಜೈ ತುಲುನಾಡ್ (ರಿ.) ಕೂಟದ ಎಗ್ಗೆಡ್(ಘಟಕ) ಕುಡ್ಲ ಎಗ್ಗೆಲಾ ಒಂಜಿ. ಕುಡ್ಲ ಎಗ್ಗೆದ ಒಟ್ಟುಗು ಕಾಸ್ರೋಡ್ ಎಗ್ಗೆ, ಬೆಂಗಳೂರು ಎಗ್ಗೆಲಾ ಉಂಡು. ಎಗ್ಗೆಲು ಸ್ವತಂತ್ರ ಸಂಸ್ಥೆ ಅತ್ತ್. ಎಗ್ಗೆಲು ಅಂಗಸಂಸ್ಥೆದಂಚ ಕಾರ್ಯನಿರ್ವಹಣೆ ಮಲ್ಪುಂಡು. ಮಾತ ಎಗ್ಗೆದ ಮಾತೃ ಸಂಸ್ಥೆ ಜೈ ತುಲುನಾಡ್ (ರಿ.) ಆದುಂಡು. ಉಂದೆನ್ ನಡಪಾವುನ ಸಮಿತಿಯೇ ಕೇಂದ್ರ ಸಮಿತಿ.
ಲಾಂಛನ (LOGO):
ಜೈ ತುಲುನಾಡ್ (ರಿ.) ಕೂಟದ ಅಧಿಕೃತ ಲಾಂಛನ ಉಂದು. ಈ ಲಾಂಛನನ್ ಏರ್ಲಾ ದುರುಪಯೋಗ ಮಲ್ಪರೆ ಬಲ್ಲಿ. ಮಲ್ತ್ಂಡ ಕಾನೂನು ರೀತಿ ಕ್ರಮ ಕೈದೆತೊನುವ.
ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆದ ಕಾರ್ಯಕಾರಿ ಸಮಿತಿ:
2024-25:
ಕುಡ್ಲ ಎಗ್ಗೆದ ವರ್ಸೊದ ಕೂಡುಪಟ್ಟಾಂಗ 2023-24 ಬೊಕ್ಕ ಪದಗ್ರಹಣ 2024-25:
ಜೈ ತುಲುನಾಡ್ (ರಿ ) ಕುಡ್ಲ ಎಗ್ಗೆದ ವರ್ಸದ ಕೂಡುಪಟ್ಟಾಂಗ ಬೊಕ್ಕ ಪದಗ್ರಹಣ ಲೇಸ್ 29.09.2024 ಐತಾರದಾನಿ ಮದ್ಯಾನ 2 ಗಂಟೆಗ್ ಕುಳೂರುದ ಫಲ್ಗುಣ್ ಸಭಾಂಗಣಡ್ ನಡತ್ಂಡ್. ಜೈ ತುಲುನಾಡ್ (ರಿ.) ಕೇಂದ್ರ ಸಮಿತಿದ ಮುತಾಲಿಕೆಡ್ ಪೊಸ ಪಧಾದಿಕಾರಿಲೆನ ಅಜಪುನ ಪ್ರಕ್ರಿಯೆ ನಡತ್ಂಡ್. ಕುಡ್ಲ ಎಗ್ಗೆದ ಪೊಸ ಗುರ್ಕಾರ್ಲು ಆದ್ ಮನೀಶ್ ಕುಮಾರ್ ಅಜತ್ ಬತ್ತೆರ್, ಒತ್ತು ಗುರ್ಕಾರ್ಲು ಚೇತನ್ ಅಂಚನ್, ಕಾರ್ಯಂತೆರ್ ಆದ್ ಲತಾ ಡಿಂಪಲ್ , ಒತ್ತು ಕಾರ್ಯಂತೆರ್ ಆದ್ ರಾಜೇಶ್ ಶೆಟ್ಟಿ ಬೊಕ್ಕ ಚಂದ್ರಶೇಖರ್ ತುಲುವೆ, ಪನವುದ ಪಾಲವೆರ್ ಆದ್ ಪುನೀತ್ ಕುಮಾರ್, ಒತ್ತು ಪನವುದ ಪಾಲವೆರ್ ಆದ್ ನಾಗರಾಜ್ ಶೆಟ್ಟಿಗಾರ್, ಸಂಘಟನಾ ಕಾರ್ಯಂತೆರ್ ಆದ್ ಭವಿಷ್ಯ ಎಸ್ ಸ, ಒತ್ತು ಸಂಘಟನಾ ಕಾರ್ಯಂತೆರ್ ಅಕ್ಷಿತ್ ಶೆಟ್ಟಿ, ಕಾರ್ಯಕಾರಿ ಸಮಿತಿದ ಪದುಕೆರ್ ಆದ್ ದುರ್ಗಾ ಪ್ರಸಾದ್ ರೈ, ಕೀರ್ತನ್ ಆರ್ ಕೋಟ್ಯಾನ್, ಶರತ್‌ರಾಜ್ ಬೊಕ್ಕ ಸಂಕೇತ್ ಯೆಯ್ಯಾಡಿ ಅಜತ್ತ್ ಬೈದೆರ್.
ನೆತ್ತೆರುಂಬೊಲಿ (ರಕ್ತದಾನ ಶಿಬಿರ) - 06.07.2೦25:
"ಸಕ್ಷಮ ದಕ್ಷಿಣ ಕನ್ನಡ ಜಿಲ್ಲಾ ಘಟಕ, ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ, ಸೇವಾ ಭಾರತೀ ಕುಡ್ಲ ಬೊಕ್ಕ ವೆನ್ಲಾಕ್ ಆಸ್ಪತ್ರೆದ ಒಟ್ಟು ಸೇರಿಗೆಡ್ ಕೊಂಚಾಡಿ ವಿದ್ಯಾ ಹಿರಿಯ ಪ್ರಾಥಮಿಕ ಶಾಲೆಡ್ (06.07.2025) ನೆತ್ತೆರುಂಬೊಲಿ (ರಕ್ತದಾನ ಶಿಬಿರ) ನಡತ್ತ್ಂಡ್.
ಬಲೆ ದೈ ನಡ್ಕ - ಬಜಪೆ 16.06.2024:
ಕುಡ್ಲ: ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ ಬೊಕ್ಕ ಯುವವಾಹಿನಿ ಬಜಪೆ ಘಟಕದ ಒಟ್ಟುಸೇರಿಗೆಡ್ ಬಜಪೆ ಪ್ರಾಥಮಿಕ ಆರೋಗ್ಯ ಕೇಂದ್ರ ಅಂಚೆನೆ ಶ್ರೀ ಕ್ಷೇತ್ರ ದೊಡ್ಡಕಟ್ಟ ಸ್ವಯಂಭೂಲಿಂಗೇಶ್ವರ ದೇವಸ್ಥಾನಡ್ 'ಬಲೆ ದೈ ನಡ್ಕ' ಕಾರ್ಯಕ್ರಮ ಜೂನ್ 16 ತಾರೀಕ್‌ಗ್ ನಡತ್ಂಡ್.
ಮುಕ್ಕ - ಬಲೆ ತುಲು ಲಿಪಿಟ್ ಪುದರ್ ಬರೆಕ - 06.10.2೦24:
ಸುರತ್ಕಲ್ : ಶ್ರೀ ಸತ್ಯ ಧರ್ಮ ದೇವಿ ದೇಲಂತಡೆ ಮುಕ್ಕ ಬೊಕ್ಕ ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆದ ಮುತಾಲಿಕೆಡ್ "ಬಲೆ ತುಲು ಲಿಪಿಟ್ ಪುದರ್ ಬರೆಕ" ಅಭಿಯಾನ ಮುಕ್ಕದ ಶ್ರೀ ಸತ್ಯ ಧರ್ಮ ದೇವಿ ದೇಲಂತಡೆಟ್ ಅಕ್ಟೋಬರ್ 10, ಐತಾರೊದಾನಿ ಮದ್ಯಾನ 12 ಗಂಟೆಗ್ ನಡತ್ಂಡ್.
ತುಲು ಲಿಪಿ ಪೊಲಬು - ಬಜಪೆ - 22.10.2024 :
ಜೈ ತುಲುನಾಡ್ (ರಿ.) ಕುಡ್ಲ ಎಗ್ಗೆ ಬೊಕ್ಕ ಯುವ ವಾಹಿನಿ (ರಿ.) ಬಜಪೆ ಎಗ್ಗೆದ ಮುತಾಲಿಕೆಡ್ ಬಜಪೆದ ಬ್ರಹ್ಮಶ್ರೀ ನಾರಾಯಣ ಗುರು ಸಭಾಭವನೊಡು ತುಲು ಲಿಪಿ ಪೊಲಬು ಪನ್ಪಿನ ಲೇಸ್ ನಡತ್ತ್ಂಡ್. ಈ ಲೇಸ್‌ನ್ ತುಲು ಲಿಪಿ ಕಲ್ಪಾದಿಲು ಆಯಿನ ಕಿರಣ್ ತುಲುವೆ ಬೊಕ್ಕ ಚಿರಶ್ರೀ ದೇರಳಕಟ್ಟೆ ನಡಪಾದ್ ಕೊರಿಯೆರ್.
Comments
Post a Comment